'ಕೆಜಿಎಫ್'​ನಿಂದ ದಾಖಲೆಯ ಮೇಲೆ ದಾಖಲೆ; ಉಘೇ ಎಂದ ಪರಭಾಷಿಗರು...... ಯಶ್ ಗೆ ಹೊಸ ಬಿರುದು.....👌👌

‘ರಾಕಿಂಗ್​ ಸ್ಟಾರ್​’ ಯಶ್​ ನಟನೆಯ ‘ಕೆಜಿಎಫ್​’ ಚಿತ್ರದ ಟ್ರೈಲರ್​ಗೆ ನಿರೀಕ್ಷೆಗೂ ಮೀರಿದ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಈ ಮಧ್ಯೆ ಸಿನಿಮಾ ತೆರೆಕಾಣುವುದಕ್ಕೂ ಮೊದಲೇ ದಾಖಲೆಯ ಮೇಲೆ ದಾಖಲೆ ಸೃಷ್ಟಿಯಾಗುತ್ತಿದೆ. ಅಚ್ಚರಿ ಏನೆಂದರೆ ಕೆಜಿಎಫ್​ ಟ್ರೇಲರ್​ ಬರೋಬ್ಬರಿ 2 ಕೋಟಿ ಬಾರಿ ವೀಕ್ಷಣೆ ಕಂಡಿದೆ.! ಕನ್ನಡ ಸಿನಿಮಾವೊಂದು  ಈ ರೀತಿ ದಾಖಲೆ ಮಾಡುತ್ತಿರುವುದು ಇದೇ ಮೊದಲು.

'ಕೆಜಿಎಫ್'​ನಿಂದ ದಾಖಲೆಯ ಮೇಲೆ ದಾಖಲೆ; ಉಘೇ ಎಂದ ಪರಭಾಷಿಗರು!

ಶುಕ್ರವಾರ ಕೆಜಿಎಫ್​ ಟ್ರೈಲರ್​​ ಐದೂ ಭಾಷೆಗಳಲ್ಲಿ ತೆರೆಕಂಡಿತ್ತು. ಚಿತ್ರದ ಟ್ರೈಲರ್​ ನೋಡಿದವರು ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ. ಐದು ಭಾಷೆಗಳಲ್ಲಿ ತೆರೆಕಂಡಿರುವ ಟ್ರೈಲರ್​​ನ ಒಟ್ಟು ವೀಕ್ಷಣೆ 2 ಕೋಟಿಯ ಗಡಿ ದಾಟಿದೆ. ಕೆಜಿಎಫ್​ ಮಾಡಿದ ಹೊಸ ಸಾಧನೆಗೆ ಪುನೀತ್​ ರಾಜ್​ಕುಮಾರ್​ ತಂಡದ ಬೆನ್ನು ತಟ್ಟಿದ್ದಾರೆ. ‘5 ಭಾಷೆಗಳಲ್ಲಿ ಸೇರಿ ಕೆಜಿಫ್​ ಟ್ರೈಲರ್​  20 ಮಿಲಿಯನ್​ಗೂ ಅಧಿಕ ವೀಕ್ಷಣೆ ಕಂಡಿರುವುದಕ್ಕೆ ನಾನು ಯಶ್​, ವಿಜಯ್​, ಪ್ರಶಾಂತ್​ ನೀಲ್​ ಹಾಗೂ ಇಡೀ ತಂಡಕ್ಕೆ ಶುಭ ಕೋರುತ್ತೇನೆ’ ಎಂದು ಪುನೀತ್​ ಟ್ವಿಟರ್​ನಲ್ಲಿ ಬರೆದುಕೊಂಡಿದ್ದಾರೆ.ಇಲ್ಲಿ ಮತ್ತೊಂದು ಅಚ್ಚರಿ ಇದೆ. ಸಾಮಾನ್ಯವಾಗಿ ಪರಭಾಷೆಯ ಚಿತ್ರಗಳು ಕರ್ನಾಟಕದಲ್ಲಿ ಚೆನ್ನಾಗಿಯೇ ಓಡುತ್ತವೆ. ಅಷ್ಟೇ ಅಲ್ಲ ತೆಲುಗು, ಹಿಂದಿ, ತಮಿಳು ಚಿತ್ರಗಳ ಟ್ರೈಲರ್​​ ನೋಡಿ ಕನ್ನಡಿಗರು ಮೆಚ್ಚುಗೆ ವ್ಯಕ್ತಪಡಿಸುತ್ತಾರೆ. ಆದರೆ, ಕನ್ನಡ ಸಿನಿಮಾವೊಂದನ್ನು ಪರಭಾಷಿಗರು ತಿರುಗಿ ನೋಡುವಂತೆ ಮಾಡಿದೆ     ಜೈ ಕರ್ನಾಟಕ ಮಾತೇ....